ទន្លេបាសាក់
ស្ពានឆ្លងកាត់ទន្លេបាសាក់ក្រុងតាខ្មៅដំណើរការសាងសង់បាន៧៧ភាគរយហើយ
ដោយ ៖ ស្អាងជ័យ|ថ្ងៃទី 20
កក្កដា 2013 ម៉ោង 14:02:31
ខេត្ដកណ្ដាល ៖ យោងតាមការឱ្យពីលោក ស្រី សម្ពស្ស
ជំនួយការក្រុមហ៊ុន សំណង់សៀងហៃ
បានប្រាប់អ្នកយកព័ត៌
មានកាសែតនគរវត្ដឱ្យដឹងកាលពីព្រឹកថ្ងៃ ទី២០ ខែកក្កដា ឆ្នាំ២០១៣ថា
ដំណើរការ សាងសង់ស្ពានឆ្លងកាត់ទន្លេបាសាក់នៅ
ចំណុចព្រែកសំរោង ក្រុងតាខ្មៅ
ដែល ក្រុមហ៊ុនសំណង់សៀងហៃបានសាងសង់ ចាប់ពីថ្ងៃទី១
ខែមករា ឆ្នាំ២០១២
រហូត មកដល់ពេលនេះ ក្រុមហ៊ុនសាងសង់
បាន៧៧ភាគរយរួចហើយ នៅសល់តែ
២៣ភាគរយទៀតទេនឹងរួចរាល់ហើយជា
ស្ថាពរ ដើម្បីបើកសម្ពោធឱ្យប្រជាពល រដ្ឋប្រើប្រាស់នៅពាក់កណ្ដាលឆ្នាំ២០១៤ខាងមុខនេះ
។
គួរបញ្ជាក់ថា ស្ពានឆ្លងទន្លេបាសាក់ ព្រែកសំរោងត្រូវបានបើកការដ្ឋានសាង សង់ឆ្លងកាត់ទន្លេបាសាក់ដំបូង
និងជា ស្ពានមិត្ដភាពកម្ពុជា-ចិនទី៤
ត្រូវបាន សាងសង់ក្រោមកម្ចីសម្បទានរបស់
ប្រទេសចិនជាដៃគូអភិវឌ្ឍដ៍ពិសេស
ដែលបានផ្ដល់ហិរញ្ញប្បទានឥតសំណង និងផ្ដល់ឥណទានកម្ចីដ៏ច្រើនដោយពុំ
មានលក្ខខណ្ឌស្មុគស្មាញ
និងទាន់ពេលវេលាសម្រាប់ការស្ដារ និងអភិវឌ្ឍន៍ ប្រទេសលើគ្រប់វិស័យ
ជាពិសេសលើ វិស័យទាំង៤ គឺទឹក ភ្លើង ផ្លូវ និងធនធានមនុស្ស ។
ស្ពានព្រែកសំរោង-តាខ្មៅ ខេត្ដកណ្ដាល
ឆ្លងកាត់ទន្លេបាសាក់មានប្រវែង៨៨៥ ម៉ែត្រ ភ្ជាប់ផ្លូវជាតិលេខ២ នៅភូមិ
ព្រែកហូរ សង្កាត់តាខ្មៅ
ក្រុងតាខ្មៅ ហើយភ្ជាប់ទៅផ្លូវជាតិលេខ១ នៅសង្កាត់
ព្រែកឯង និងមានចម្ងាយប្រមាណ៨,៥៦
គីឡូម៉ែត្រពីស្ពានព្រះមុនីវង្ស ។
គម្រោង សាងសង់ស្ពាន
និងផ្លូវតភ្ជាប់ដែលជា
រួមមានប្រវែង១២,២៤៨គីឡូម៉ែត្រនេះ គ្រោងចំណាយថវិកាប្រមាណ៣២,៨៩ លានដុល្លារជាកម្ចីសម្បទានរបស់រដ្ឋាភិបាលចិន និងថវិកាបដិភាគរបស់រាជ
រដ្ឋាភិបាលកម្ពុជាសម្រាប់បោសសម្អាតមីន ដោះស្រាយផលប៉ះពាល់គម្រោង និងបន្ទុកបង់ពន្ធលើសម្ភារនាំចូលផ្សេងៗ ៕
No comments:
Post a Comment